https://sonett-forum.de/ Tue, 07 Jul 2026 20:16:54 +0000 MyBB https://sonett-forum.de/showthread.php?tid=6529 Sat, 07 Jun 2008 10:43:22 +0200 ZaunköniG]]> https://sonett-forum.de/showthread.php?tid=6529 L'aveûle

À s'n-abitude, dèspû l' matin,
L' aveûle èst dins l' pètite tchapèle,
Dèlé l' grand poûrtâl; i ratind
Què ç' seûche fét mèsse, achî d'ssus 'ne sèle.

Adon, t't-aussi râde qu'il intind
L' rèmous d'ène ârméye qui pèstele,
Èl bribeû s'èstampe èy i tind
S' vièye barète, si vièye què l' drap s' pèle.

Conte èl mur in piêre i s'astoke,
Bounasse, èl dos rond come ène cloke,
Drouvant sès-îs pus blancs qu' du lét;

Yèt sans boudjî nîn pus qu'ène soke,
Qu'i tchèye in liârd ou bîn 'ne mastoke,
I rèspond: "Mèrci, s'i vous plét!"]]> L'aveûle

À s'n-abitude, dèspû l' matin,
L' aveûle èst dins l' pètite tchapèle,
Dèlé l' grand poûrtâl; i ratind
Què ç' seûche fét mèsse, achî d'ssus 'ne sèle.

Adon, t't-aussi râde qu'il intind
L' rèmous d'ène ârméye qui pèstele,
Èl bribeû s'èstampe èy i tind
S' vièye barète, si vièye què l' drap s' pèle.

Conte èl mur in piêre i s'astoke,
Bounasse, èl dos rond come ène cloke,
Drouvant sès-îs pus blancs qu' du lét;

Yèt sans boudjî nîn pus qu'ène soke,
Qu'i tchèye in liârd ou bîn 'ne mastoke,
I rèspond: "Mèrci, s'i vous plét!"]]> https://sonett-forum.de/showthread.php?tid=6528 Sat, 07 Jun 2008 10:29:51 +0200 ZaunköniG]]> https://sonett-forum.de/showthread.php?tid=6528 Fwait a fwait ki dj' distchai, vos crexhoz : ça doet esse
A çki did dins m' fôtuy dji vs ravize pa l' finiesse :
Vos n' sondjîz k' a cori dsu l' rowe djouwer vosse sô.

El minme veye edoirmowe ki m' a veyou tant d' côps
Prinde les amdjoûs d' ivier po des dimegnes di fiesse,
Vos voerè fé l' djonne ome eyet rdressî vosse tiesse,
Paski l' feye do vijhén s' årè rtourné dsu vos.

Dispu ç' tins la, mi ami, dj' l' a yeu deur, ey abele
Si dj' sai k' å pus sovint l' bouneur est a scabele;
Adon, les bresses å lådje, dj' el ratindeu todi.

Mins vos sclidez d' mes djnos: vos djambes sont tchamossêyes ?
Coroz, drovoz vos bresses, n' aschoûtez pus çki dj' di;
Ardans ! m' pitit colon, prindoz l' monde a bressêyes.]]> Fwait a fwait ki dj' distchai, vos crexhoz : ça doet esse
A çki did dins m' fôtuy dji vs ravize pa l' finiesse :
Vos n' sondjîz k' a cori dsu l' rowe djouwer vosse sô.

El minme veye edoirmowe ki m' a veyou tant d' côps
Prinde les amdjoûs d' ivier po des dimegnes di fiesse,
Vos voerè fé l' djonne ome eyet rdressî vosse tiesse,
Paski l' feye do vijhén s' årè rtourné dsu vos.

Dispu ç' tins la, mi ami, dj' l' a yeu deur, ey abele
Si dj' sai k' å pus sovint l' bouneur est a scabele;
Adon, les bresses å lådje, dj' el ratindeu todi.

Mins vos sclidez d' mes djnos: vos djambes sont tchamossêyes ?
Coroz, drovoz vos bresses, n' aschoûtez pus çki dj' di;
Ardans ! m' pitit colon, prindoz l' monde a bressêyes.]]> https://sonett-forum.de/showthread.php?tid=6527 Sat, 07 Jun 2008 10:28:37 +0200 ZaunköniG]]> https://sonett-forum.de/showthread.php?tid=6527 Mexhneuse

El voye est blanke di poûssire
Ki sint tot l' poure di cayåd
Ki s' elive come del foumire
Padzo les pîs des gros tchvås.

Ene mexhneuse vént dal copete
Et s' amostere tanon côp.
Ene djåbe k' on ristea tént droete
Mucheye ès tiesse eyet s' cô.

Ele leye so l' costé l' pî-sinte,
Ey ele comince a dischinde
Avou l' air come edoirmou;

Ey, a çk' ele passe dilé mi
Dji voe k' ele n' est djonne ni bele
"Salut" di dj'. - "Bondjoû !" di-st ele.]]> Mexhneuse

El voye est blanke di poûssire
Ki sint tot l' poure di cayåd
Ki s' elive come del foumire
Padzo les pîs des gros tchvås.

Ene mexhneuse vént dal copete
Et s' amostere tanon côp.
Ene djåbe k' on ristea tént droete
Mucheye ès tiesse eyet s' cô.

Ele leye so l' costé l' pî-sinte,
Ey ele comince a dischinde
Avou l' air come edoirmou;

Ey, a çk' ele passe dilé mi
Dji voe k' ele n' est djonne ni bele
"Salut" di dj'. - "Bondjoû !" di-st ele.]]> https://sonett-forum.de/showthread.php?tid=6526 Sat, 07 Jun 2008 10:27:23 +0200 ZaunköniG]]> https://sonett-forum.de/showthread.php?tid=6526 El vî

Asteure, c' est s' garçon k' a rpris l' cinse,
Eyet lu, tot racrapoté
Dins s' fotûy, i pinse, i rapinse,
I sondje å tiene k' il a monté.

Ki l' vårlet våye taper les sminces
Oubén k' soeye les longs djoûs d' esté,
Todi pus djaene, pus setch, pus mince,
I dmeure la mierseu dsu l' costé.

Les eures, les djoûs, les ans, ça passe
'L a veyou s' mon-pére a l' minme plaece,
Cwand lu-minme a divnou cinsî;

Eyet lu, l' vayant, lu, l' foirt ome,
Lu, l' mwaisse, i ratind s' dierin some...
Ey ene låme tchait doûçmint d' ses iys.]]> El vî

Asteure, c' est s' garçon k' a rpris l' cinse,
Eyet lu, tot racrapoté
Dins s' fotûy, i pinse, i rapinse,
I sondje å tiene k' il a monté.

Ki l' vårlet våye taper les sminces
Oubén k' soeye les longs djoûs d' esté,
Todi pus djaene, pus setch, pus mince,
I dmeure la mierseu dsu l' costé.

Les eures, les djoûs, les ans, ça passe
'L a veyou s' mon-pére a l' minme plaece,
Cwand lu-minme a divnou cinsî;

Eyet lu, l' vayant, lu, l' foirt ome,
Lu, l' mwaisse, i ratind s' dierin some...
Ey ene låme tchait doûçmint d' ses iys.]]> https://sonett-forum.de/showthread.php?tid=6525 Sat, 07 Jun 2008 10:26:19 +0200 ZaunköniG]]> https://sonett-forum.de/showthread.php?tid=6525 Dimegne a l' esté.

Dimegne après dinner. Dispu l' matén, l' solea
Tape. I cût dsu l' pavêye. Rén n' bodje. El cinse doime.
Les batantes sont serêyes come a l' oneur d' on moirt
Eyet minme el cayåd shonne pokî på soumey.

El tchén, fén long stindou, l' tiesse foû di s' trô, soctêye.
Les biesses, rintrêyes å ståve, frisses esterneyes, roemièt.
Conte l' ouxh do ran, l' grognon d' on spès verat souctêye.
Eyet, pactêye e l' ombe, totes les poyes ès muchièt.

Les meskenes et l' cinsresse ki vnèt d' s' aveur fwait beles
Divant d' pårti po vepes, s' erpoiznut dsu leus seles
Yet les vårlets, guedés, fjhèt leu nonne so l' estrin.

El cinsî, lu, stampé dilé l' tcheri, s' astoke
Eyet ployant les rins, i båye et i s' estind
Rboerlant come on djonne tor yet toirdou come ene soke.]]> Dimegne a l' esté.

Dimegne après dinner. Dispu l' matén, l' solea
Tape. I cût dsu l' pavêye. Rén n' bodje. El cinse doime.
Les batantes sont serêyes come a l' oneur d' on moirt
Eyet minme el cayåd shonne pokî på soumey.

El tchén, fén long stindou, l' tiesse foû di s' trô, soctêye.
Les biesses, rintrêyes å ståve, frisses esterneyes, roemièt.
Conte l' ouxh do ran, l' grognon d' on spès verat souctêye.
Eyet, pactêye e l' ombe, totes les poyes ès muchièt.

Les meskenes et l' cinsresse ki vnèt d' s' aveur fwait beles
Divant d' pårti po vepes, s' erpoiznut dsu leus seles
Yet les vårlets, guedés, fjhèt leu nonne so l' estrin.

El cinsî, lu, stampé dilé l' tcheri, s' astoke
Eyet ployant les rins, i båye et i s' estind
Rboerlant come on djonne tor yet toirdou come ene soke.]]>